Azərbaycan, Bakı, 21 noyabr / Trend , müxbir E.İsmayılov/ Azərbaycanda Şərq - Qərb magistral dəmiryolu xəttinin bərpasına qoyulan ümumi sərmayənin həcmi 1,75 mlrd. dollardır, - Mərkəzi Asiya Regional İqtisadi Əməkdaşlıq (CAREC) Proqramının hesabatında deyilir. Bu layihəni Azərbaycan Dövlət Dəmiyrolu İdarəsi (ADDİ) reallaşdıracaq.
Layihənin birinci mərhələsinin maliyyələşməsi üçün Ümumdünya Bankı artıq 450 mln. dollar ayırıb. Asiya İnkişaf Bankı (AİB) və Avropa Bərpa və İnkişaf Bankı (ABİB) qalan 1,3 mlrd. dolların maliyyələdirmə imkanlarını nəzərdən keçirirlər. Layihənin realizə müddəti 2008 - 2011- ci illəri əhatə edir.
Layihənin əsas məqsədi - istismar xərclərini azaltmaq, dəmiryol istifadəçilərinə böyük iqtisadi gəlir gətirmək və vaxta qənaətdir. Bütün üstünlükləri nəzərə alınmaqla, bu nəqliyyat dəhlizi rəqabətə daha dözümlü olacaq, - hesabatda bildirilir.
Layihə bir neçə mərhələdən ibarətdir. İlkin mərhələ 240 km magistral yolun bərpasını, 25 kV enerji təchizatının köçürülməsini, 50 elektrovozun alınmasını, maliyyə hesabdarlığı beynəlxalq sisteminin tətbiqini, ADDİ məsləhət xidmətlərini, onun müasirləşməsini, neft axınının qarşısının alınması üçün avadanlıq və reaksiya qurğularını əhatə edir.
Layihə çərçivəsində, əsas vəzifə etibarlı və sürətli yük və sərnişin daşımalarının təmin olunmasıdır. Sərmayə yatırılacağı halda, ADDİ Şərq - Qərb xətti üzrə hərəkətin sürətini sərnişin qatarları üçün saatda 100 km - dək, yük qatarları üçün saatda 80 km-dək artıra bilər.
Muəlliflə əlaqə ünvanı: [email protected]
