Azərbaycan, Bakı, 13 fevral / Trend , müxbir S.Babayeva/ Oğuz-Qəbələ-Bakı su kəməri istismara verildikdən bir-iki il sonra paytaxtın su problemi (vaxtla vermə) həll ounacaq. Bu barədə cümə günü Azərsu ASC-nin rəhbəri Nizaməddin Rzayev deyib.
"Bu gün Bakıda cəmi 40 faiz əhali gün boyu su ilə təmin olunub. Su kəmərinin istismarından sonra bu rəqəmi 10-15 faizə çatdırmaq olar. Gələcəkdə isə bu problem tam həll olunacaq",- Rzayev deyib.
Onun sözlərinə görə, artıq bu ilin dekabrında işə düşməsi planlaşdırılan kəmərin suyunun bölünmə mexanizmi ilə bağlı hazırlıq işləri gedir. Oğuz-Qəbələ-Bakı su kəmərinin tikintisi 2007-ci il martın 1-də AR Prezidenti İlham Əliyevin iştirakı ilə başlayıb. Azərsu ASC Turan Hazinedaroglu/Tekser Inshaat Sanayi/Gence Korpu Tikinti2 alyansı ilə su kəmərin layihəsi və tikintisi ilə bağlı sənəd imzalayıb. Layihənin ümumi dəyəri 480 mln. manat həcmində ölçülür.
Bu zonada yeraltı suların eksplatasiya ehtiyatı saniyədə 15 kubmetr təşkil edir. Suyun səviyyəsi yüksək və dünya standartlarına cavab verir. Kəmər Oğuz-Qəbələ su anbarından Çarxana-Göyçay-Ağsu-Udullu marşrutu ilə gedəcək. Ümumi uzunluğu 260 km.təşkil edir.
Müəlliflə əlaqə saxlamaq üçün elektron ünvan: [email protected]
