Azərbaycan, Bakı, 20 may / Trend , müxbir N.İsmayılova /
Beynəlxalq Maliyyə Korparasiyası (IFC) tərəfindən hazırlanmış Azərbaycan və Mərkəzi Asiya üçün (Qazaxıstan və Türkmənistan istisna olmaqla) maliyyə infrastrukturunun möhkəmləndirilməsi ilə bağlı yeni proqram cari ilin payızında start götürür. Bu barədə IFC-in konsultativ proqram meneceri Tatyana Lozanski deyib.
"Biz sözügedən layihəninin qəbul edilməsi ərəfəsindəyik və ümid edirik ki, layihə payızda start götürəcək", - Lozanski bildirib.
Onun sözlərinə əsasən, layihə tam olaraq hazırdır və İsveçrənin iqtisadi məsələlər üzrə Dövlət Katibliyi (Seco) layihənin maliyyələşdirilməsi məsələsini müzakirə edir.
Layihə üç ilə nəzərdə tutulub və iki il artırılma ehtimalı da var.
Seco-da milli proqramın rəhbəri Nailə Səfərovanın sözlərinə əsasən, Dövlət Katibliyi proqramın reallaşdırılmasına təqribən 2,4 milyon dollar ayıracaq.
2003-cü ildən etibarən korporasiya ölkənin lizinq şikətlərinə 6 milyon dollar həcmində kredit, Dövlət Katibliyi isə texniki yardım kimi 3 milyon dollar ayırıb.
2007-ci ilin nəticələrinə əsasən, Azərbaycanın lizinq sahəsinə 12 şirkət cəlb olunmuşdusa, hazırda onların sayı 19-a çatıb. 2008-ci ilin nəticələrinə görə, Azərbaycanın lizinq portfelinin həcmi 208 milyon dollar təşkil edib.
Məqalə müəllifi ilə əlaqə ünvanı: [email protected]
