Azərbaycan, Bakı, 11 iyul / Trend /
Azərbaycan bankı Parabank-ın depozit portfeli il ərzində mözcud həcmin yarısı qədər artaraq may ayında 42,17 milyon manat təşkil edib, bu barədə bankın məlumatında deyilir.
Məlumatda qeyd olunduğu kimi? bankın depozit portfelinin 75-85 faizini fiziki şəxslərin əmanətləri təşkil edir. 2009-cu ilin yanvar ayının 1-də bankın depozit portfeli 36,14 milyon manat təşkil edib (xarici valyuta ilə 14,8 milyon manat), may ayında isə bu göstərici 16,7 faiz artaraq 42,17 milyon manat təşkil edib (xarici valyutada 49,95 faiz artaraq 21,78 milyon manat bərabər olub).
Ötən ilin may ayı ilə müqayisədə bu göstərici 49,05 faiz artıb.
Bankdan verilən kreditlər üzrə orta faiz göstəricisi illik 26-27 faiz təşkil edir, kreditin maksimal müddəti isə iki ildir. Depozitlərin orta pul qoyuluşu 17-17,5 faiz, cəlb olunmanın maksimal müddəti isə dörd il təşkil edir.
İyulun 11-nə olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
