Azərbaycan, Bakı, 31 iyul / Trend , müxbir N.İsmayılova /
Azərbaycan İqtisadi İnkişaf Nazirliyi yanında Sahibkarlığa Yardım Milli Fondu (SYMF) hər birinin gücü iki min ton olan, meyvə, tərəvəz və digər ərzaq məhsullarının saxlanması və satışı üçün soyuducu anbar komplekslərinin yaradılması üzrə tender çərçivəsində 12 təklifin maliyyələşməsini bəyənib. Bu barədə cümə günü fondun icraçı direktoru Şirzad Abdullayev deyib.
"Fondun vəsaiti hesabına Quba-Xamaz rayonunda 6, Aranda 4, Gəncə-Qazax və Lənkəran iqtisadi rayonlarında isə bir layihə maliyyələşdiriləcək", - Abdullayev deyib.
Seçilmiş layihələr həm sahibkarların şəxsi vəsaiti, həm də Milli Fondun güzəştli kreditləri (investisiya layihələri dəyərinin 70 faizə qədərinin dövlət vəsaiti hesabına maliyyələşməsi barədə qərar qəbul edilib) hesabına maliyyələşəcək. Hətta Azərbaycanın investisiya şirkətləri və ya onların törəmə strukturları da maliyyələşmədə iştirak edə bilərlər.
"Bəyənilmiş layihələrin ümumi dəyəri 40 milyon manatdan çoxdur. Fond bu layihələrin ümumi dəyərindən 24 milyon manata qədərini maliyyələşdirməyi qərara alıb",- Abdullayev deyib.
Onun sözlərinə görə, təkliflərin qiymətləndirilməsi zamanı ilk növbədə layihənin dəyərinə və potensialına, eləcə də regionun meyvə-tərəvəz istehsalı potensialına, həmçinin kommunikasiya xətlərinin mövcudluğuna diqqət yetirilib.
"Sahibkarların fonda müraciəti zamanı seçimə daxil olmayan layihələr işlənib axıra çatdırılacaq və güzəştli şərtlərlə maliyyələşməsi nəzərdən keçiriləcək", - o deyib.
Təkliflər dörd iqtisadi rayon üzrə daxil olub. Subyektiv sahibkarlıqdan Aran iqtisadi rayonuna 14 investisiya təklifi, Quba-Xaçmaza 11, Gəncə-Qazax və Lənkəran iqtisadi rayonunun hərəsinə isə 4 investisiya təklifi gəlib.
Fondun aldığı investisiya təklifinin dəyəri 1,6 milyon manatdan 3,7 milyon arasında dəyişir, layihələrdə SYMF-nin iştirakı isə 1,5-2 milyon manat arasında dəyişir.
Tenderin nəticələri iyulun 31-də İqtisadi İnkişaf Nazirliyinin İqtisadi İslahat Elmi Araşdırma Mərkəzində elan ediləcək.
Bu gün Milli Fond yalnız bir - Salyan rayonun Çuxanlı kəndində istehsal olunmuş 10,5 min ton məhsulu (pomidor, xiyar və üzüm) saxlama qabiliyətinə malik, 2250 kvadratmetr ərazisi olan soyuducu anbarın tikilməsinə 1,5 milyon həcmində bir güzəştli kredit ayırıb. Layihənin ümumi dəyəri 6 milyon manat təşkil edir. Burada saxlanılan tezyetişən kənd təsərrüfatı məhsullarının 60 faizi daxili, 40 faizi isə xarici bazara çıxarılacaq. Layihənin həyata keçirilməsi 50-dən çox yeni iş yerinin açılmasına imkan verəcək.
İyulun 31-nə olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]