Azərbaycan, Bakı, 04 sentyabr / Trend /
Sentyabrın 2-də Azərbaycan Respublikasının Qiymətli Kağızlar üzrə Dövlət Komitəsində (QKDK) qiymətli kağızlar bazarının peşəkar iştirakçıları olan broker
və diler şirkətlərinin nümayəndələri ilə keçirilən görüşdə peşəkar bazar iştirakçılarının fəaliyyətinin yoxlanılması proqramı müzakirə olunub, bu barədə komitənin məlumatında qeyd olunub.
Məlumatda deyildiyi kimi, görüşdə QKDK tərəfindən bu il sentyabr ayının 21-dən etibarən həyata keçirilməsi nəzərdə tutulan qiymətli kağızlar bazarının peşəkar iştirakçılarının fəaliyyətlərinin yoxlanılması proqramının məqsədi, prinsipləri və əsas yoxlama istiqamətləri barədə ətraflı məlumat verilib. Yoxlama sentyabrın 21-dən etibarən başlayacaq. Proqram qiymətli kağızlar bazarında nəzarət konsepsiyasının əsas elementlərindən biridir.
