Azərbaycan, Bakı, 23 sentyabr / Trend , müxbir N.İsmayılova /
Avqust ayında Bakının təkrar avtomobil bazarında iyul ayı ilə müqayisədə təkliflərin 8,2 faizlik artımı müşahidə edilib. Bu barədə çərşənbə günü "Əmlak Bazarı İştirakçıları" İctimai Birliyindən məlumat verilib.
"Təkliflərin artmasına baxmayaraq, bazarda tələbat 3,1 faiz azalıb. Ay ərzində satış mərkəzlərinə müraciətlərin artması müşahidə edilsə də, onlar bağlanan sövdələşmələrin sayının artmasına təsir etməyib", - İB-dən məlumat verilib.
Ay ərzində müraciətlərin sayı azalıb ki, bu da avtomobillərin alış-satışı üzrə sövdələşmələrin 3,6 faizlik azalmasına gətirib çıxarıb.
Avqustda avtomobillərin orta qiyməti 15,93 min dollar təşkil edib ki, bu da ötən ayla müqayisədə 1,9 faiz azdır. Avtomobillərin ekspozisiya müddətinin stabilliyinə baxmayaraq, risk dərəcəsi hələ də yüksəkdir, bu da bazarın satış əmsalına mənfi təsir göstərir.
Təkrar bazarda olan 7450 avtomobildən 38,2 faizi məhz avqustda təklif edilib. Qalan 61,8 faizi isə ötən aylardan qalan avtomobillərdir.
Avronun dollarla müqayisədə məzənnəsinin artması bazarda passiv tendesiyanın əsas səbəbi olub. Qiymətlərin dəyişməz qalmasına baxmayaraq, sahibkarlar valyuta denominasiyasının bazara və avtomobil gəlirlərinin səviyyəsinin azalmasına təsirindən şikayətlənirlər.
Ötən ay bazarda 6,58 min avtomobil təkilf edilib ki, bunlardan yalnız 41,1 faizi iyulda təklif olunanlardır. Qalan 58,9 faizi isə keçən aylardan qalan avtomobillərdir.
Bazar portfelinin böyük hissəsini "Mersedes-Benz" markalı avtomobil (37,3 faiz) təşkil edir. Bazarda təklif edilən doqquz əsas marka isə ümumilikdə 82,6 faiz təşkil edir. 17,4 faiz isə 20 istehsalçı şirkət tərəfindən buraxılan 85 avtomobil markası arasında bölünür.
Tədqiqatlar göstərir ki, hazırda bazarda 1998-2001-ci il buraxılışlı maşınların sayının artması müşahidə edilir. Ekspertlərə görə, yaxın gələcəkdə bazarda 2000-ci ildən sonra istehsal edilən maşınlar üstünlük təşkil edəcək.
Məqalə müəllifi ilə əlaqə ünvanı: [email protected]
