Gürcüstan, Tbilisi, 16 oktyabr / Trend , müxbir N.Kirtsxaliya/
Dünya Bankının idarəetmə direktoru Nqozi Okonco-İvela oktyabrın 17-21-də Gürcüstana və Azərbaycana səfər edəcək. DB-nin Gürcüstandakı nümayəndəliyindən xəbər verildiyi kimi, səfərin əsas məqsədi Zaqafqaziya ölkələrində qlobal maliyyə böhranının nəticələrinin müzakirəsi, böhrandan çıxış yollarının axtaışı və davamlı iqtisadi inkişafın stimullaşdırılmasıdır.
Dünya Bankının idarəetmə direktoru Gürcüstan və Azərbaycana səfəri çərçivəsində hökumət, vətəndaş cəmiyyəti və özəl sektorun nümayəndələri ilə görüşəcək.
Azərbaycan 1992-ci ildən DB-nin üzvüdür. Bankla əməkdaşlıq ərzində ölkəyə 47 layihənin maliyyələşdirilməsi üçün 2,5 milyard həcmində kredit ayrılıb. 2008-ci ildə bank tərəfindən 13 layihənin maliyyələşdirilməsinə 1,251 milyard dollar yönəldilib. Strategiyanın son iki ilində (2009-10-cu illər) DB ölkəyə bir milyard dollardan çox vəsait ayırmağa hazır olduğunu bildirib. Bu vəsait artıq kommersiya şərtləri ilə - Beynəlxalq Yenidənqurma və İnkişaf Bankının xətti ilə verilməli idi.
