Azərbaycan, Bakı, 12 noyabr / Trend , müxbir T.Cəfərov/
İran İslam Respublikasının İmam Xomeyni adına "İmdad" ("Qurtuluş") komitəsi Azərbaycan hökumətinin dəstəyi ilə Azərbaycanda aztəminatlı ailələrin vəziyyətinin yaxşılaşdırılması üçün kredit fondu yaratmağı planlaşdırır. Bu barədə cümə axşamı Bakıda olan komitə rəhbəri Hüseyin Ənvari deyib.
Onun sözlərinə görə, Azərbaycanda fəaliyyət göstərən bankların və hökumətin dəstəyi ilə kredit fondunun təsis edilməsi əhaliyə əmək fəaliyyətinin inkişaf etdirilməsi üçün kreditlərin verilməsinə imkan yaradacaq.
"Hesab edirəm ki, fondun yaradılması Azərbaycan cəmiyyətinə müsbət təsir edəcək", - Ənvari deyib.
"İmdad" komitəsinin Azərbaycandakı nümayəndəliyinin rəhbəri Mahmud Seyyididir.
"İmdad" komitəsinin nümayəndəliyi Azərbaycanda 1993-cü ildən fəaliyyət göstərir və azərbaycanlı qaçqın və məcburi köçkünlərə, yoxsul ailələrə humanitar yardımlar edir.
Komitənin illik büdcəsi 2,5 - 3 milyon dollar təşkil edir.
Məqalə müəllifi ilə əlaqə ünvanı: [email protected]