Azərbaycan, Bakı, 27 yanvar / Trend /
Sumqayıtda kəskin hava şəraiti ilə əlaqədar olaraq İcra Hakimiyyəti başçısının tapşırığına əsasən, şəhər üzrə fəaliyyət göstərən kommunal xidmət təşkilatlarının işçiləri gücləndirilmiş rejimdə işləyir. Bu barədə İcra Hakimiyyətinin məlumatında deyilir.
Hazırda şəhər Təmizlik Departamentinin 7 texnikası və 350 nəfərdən ibarət işçi qüvvəsi şəhər üzrə qarın təmizlənməsi istiqamətində işləyir.
İşçi qüvvəsi əsasən səki, piyada yolları və meydanların təmizlənməsinə cəlb olunub. Eyni zamanda, şəhərin mərkəzi küçələri təmizlənir, yollara qum və duz səpilir.