Azərbaycan, Bakı, 05 fevral / Trend , müxbir E.İsmayılov/
Heydər Əliyev adına Bakı Beynəlxalq Hava Limanı əvvəlcə hava şəraitinin pis olması səbəbindən təxirə salınan aviareyslərin göndərilməsinə başlayıb. Bu barədə cümə günü "Azərbaycan Hava Yolları" QSC-dən (AZAL) məlumat verilib.
"Təyyarələrin göndərilməsinə artıq başlanılıb və hələlik davam edir", - AZAL-dan deyilib.
QSC-dən bildiriblər ki, "Bakı-London", "Bakı-İstanbul" təyyarələri artıq uçublar, "Bakı-Dubay" reysinin uçuşu gözlənilir.
Hava limanı "Sankt-Peterburq - Bakı", "Moskva-Bakı", "Urumçi-Bakı" reyslərini qəbul edib.
Heydər Əliyev adına Beynəlxalq Hava Limanı, əvvəlcə Azərbaycan paytaxtındakı pis hava şəraiti ilə əlaqədar Gəncədə yerə enən "Urumçi-Bakı" marşrutu üzrə uçan təyyarəni də qəbul edib.