Azərbaycan, Bakı, 11 mart / Trend , müxbir T.Konyayeva/
2009-cu ildə Azərbaycan və Almaniya arasında əmtəə dövriyyəsi, hazırda həyata keçirilən altı birgə layihə 2 milyard dollara çatıb. Bu barədə cümə axşamı Almaniyanın Azərbaycandakı səfiri Per Stankin Strateji Araşdırmalar Mərkəzində bildirib.
"Azərbaycan və Almaniya arasında iqtisadi əməkdaşlığın inkişafı olduqca dinamikdir. Almaniya son illərdə Azərbaycanın çox mühüm iqtisadi tərəfdaşına çevrilib", - səfir bildirib.
Dünən Bakıda ARDNŞ (Azərbaycan Respublikası Dövlət Neft Şirkəti) və Almaniyanın RWE şirkəti Xəzərin Azərbaycan sektorunda "Naxçıvan" perspektiv dəniz strukturu üzrə qarşılıqlı anlaşma haqqında memorandum imzalayıblar. Almaniyanln RWE enerji konserni qazın Xəzər regionundan və Yaxın Şərqdən Aİ ölkələrinə ixracını nəzərdə tutan "Nabucco" qaz kəməri layihəsinin altı iştirakçısından biridir.
"Nabucco" bütün digər enerji layihələri arasında bizim üçün prioritetdir", - səfir vurğulayıb.
Qaz kəmərinin çəkilişi 2011-ci ilə təyin edilib. İlk tədarüklərə 2014-cü ildə start veriləcək. Boru kəmərinin maksimal gücü ildə 31 mlrd kubmetrə bərabərdir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
