Azərbaycan, Bakı, 11 may /Trend, müxbir N.İsmayılova/
Azərbaycan Beynəlxalq Bankı (ABB) Azərbaycan Risk Peşəkarları Assosiasiyasının (ARPA) korporativ üzvü olub. Bu barədə ARPA-nın məlumatında deyilir.
ARPA 17 korporativ müştərisi üçün beynəlxalq maliyyə institutları, Azərbaycan Respublikası Mərkəzi Bankı, audit şirkətləri və kommersiya banklarının nümayəndələrinin iştirakı ilə "dəyirmi masa"lar və seminarlar keçirir. ARPA-nın keçirtdiyi ödənişli treninqlərdə assosiasiyanın üzvləri üçün güzəştli şərtlərlə iştirak imkanı təmin olunur.
Assosiasiya 2009-cu ilin martında ölkənin maliyyə sektorunda risklərin aşağı salınması məqsədilə yaradılıb. O, artıq Azərbaycan Mərkəzi Bankı, GARP və IFC ilə əməkdaşlığa başlayıb.
