...

Azərbaycanın 2009-cu il dövlət büdcəsinin kəsiri ÜDM-in 0,5 faizini təşkil edib

Biznes və iqtisadiyyat xəbərləri Materials 21 May 2010 19:37 (UTC +04:00)

Trend-i buradan izləyin

Аzərbaycan, Bakı, 21 may /Trend, müxbir N.İsmayılova/

Azərbaycanın Hesablama Palatasının apardığı analitik araşdırmalara əsasən aşkar olunub ki, illik hesabat 2009-cu il dövlət büdcəsinin icrası haqqında qanun layihəsinin tələblərinə tam uyğundur. Bu barədə Azərbaycan Hesablama Palatasının sədri Heydər Əsədov parlamentin iqtisadi siyasət komitəsinin iclasında 2009-cu il dövlət büdcəsinin icrası haqqında hesabatın müzakirəsi zamanı bildirib.

2009-cu ildə maliyyələşdirilməsi özəlləşdirmə, daxili və xarici bazarlarda dövlət istiqraz vərəqələrinin paylanması və 2009-cu ilin yanvar ayına dövlət büdcəsinin ehtiyat hesablarından qalan qalıqlar hesabına planlaşdırılan dövlət büdcəsinin gəlirləri 12177 milyon manat, xərcləri 12355 manat, kəsir 178 milyon manat səviyyəsində təsdiq olunub.

"2009-cu ildə dövlət büdcəsinin gəlirləri 10 326 milyon manat, xərcləri 10 504 milyon manat, kəsiri isə proqnozlaşdırılan 178 milyon manata qarşı 177,9 mln. manat təşkil edib", - Əsədov deyib.

Onun sözlərinə görə, proqnozlaşdırılmış dövlət gəlirlərinə nisbətdə dövlət büdcəsinin kəsiri 1,5 faiz, faktiki gəlirlərə nisbətdə isə 1,7 faiz təşkil edib. 2008-ci il üçün analoji göstərici proqnozlaşdırılmış 576,6 milyon manatın əksinə olaraq 11,6 milyon manat təşkil edib ki, bu da proqnozlaşdırılmış gəlir həcminin 5,5 faizi və faktiki həcmin 0,1 faizini yerinə yetirir.

2008-ci ildə dövlət büdcəsinin kəsiri ÜDM-in 0,03 faizini təşkil edib, faktiki kəsir isə 2009-cu ildə ÜMD-in 0,5 faizini təşkil edib.

"Müqayisə üçün qeyd etmək olar ki, dövlət büdcəsinə maliyyə mənbələrindən daxil olan faktiki gəlir 2009-cu ildə dövlət gəlirinin 1,7 faizini, 2008-ci ildə isə 4,2 faizini təşkil edib", - Əsədov bildirib.

Mayın 21-nə olan rəsmi məzənnə 0,8035 AZN/USD təşkil edir.

Xəbər lenti

Xəbər lenti