Azərbayacn, Bakı, 5 iyul /Trend, müxbir Ü.İsmayılova/
Azərbaycanın sığorta şirkəti "Atəşgah" bazarda avtomobillərin könüllü sığortalanması üzrə birinciliyini qorumaqdadır. Bu növ üzrə onun 20,5 faizi var, - şirkətin bazar ertəsi yaydığı məlumatda bildirilir.
Bazarın analizinin yekunlarına əsasən, 2010-cu ilin birinci rübü ərzində "Atəşgah"ın sığorta haqları 1,31 milyon manat təşkil edib ki, bu da ötən ilin yanvar-mayından 260 min manat və ya 18,9 faiz çoxdur.
"Atəşgah" sığorta ödəmələrinin sayında və məbləğində də ilk yerlərdən birini tutur. Bu müddət ərzində şirkət avtomobil sahiblərinə dəyən ziyanın ödənilməsinə 522 min manat xərcləyib. "Atəşgah"ın müvəffəqiyyətli göstəriciləri son vaxtlar genişlənən pərakəndə satışla da bağlıdır.
"Atəşgah" gələcəkdə belə nəticələrə nail olmaq və öz müştərilərinin inamını qazanmaq üçün sığorta məhsullarını və xidmətlərinin sayını artıracaq.
"Atəşgah" Sığorta Şirkəti 1996-cı ildə yaradılıb, sığorta fəaliyyətinin həyata keçirilməsi üçün lisenziyanı isə 1997-ci ilin əvvəlində alıb. Şirkətin səhmdarı "I.S.R. Holding Ltd"dir. O, "Kapital-2" sığorta qrupuna daxil olan "Norcross" şirkətinin səhmlərinin 49 faizini alıb. Qalan 30 faiz isə ARDNŞ-ə və "RAN-Eksim" Şirkətinə məxsusdur.
