...

Azərbaycan-Türkiyə sığorta şirkəti 2010-cu ildə sığorta haqlarının 20 faiz artacağını gözləyir

Biznes və iqtisadiyyat xəbərləri Materials 12 Avqust 2010 20:17 (UTC +04:00)

Azərbaycan, Bakı, 12 avqust/Trend, müxbir İ.Xəlilova/

Azərbaycan-Türkiyə sığorta şirkəti "Başak-İnam Sığorta" 2010-cu ilin sonunadək sığorta haqlarının ümumi həcmini üç milyon manatadək çatdırmağı planlaşdırıb (23 faiz artımla). Ödənişlərin bir milyon manat məbləğində (10,7 fazi azalma ilə) olacağı gözlənilir. Bu barədə cümə axşamı sığorta şirkətinin baş direktoru Orxan Həsənov deyib.

İlin birinci yarısında fəaliyyətin yekunları üzrə "Başak-İnam Sığorta"nın sığorta haqları 443,95 min manat ödənişlə 1,183 milyon manat təşkil etdiyi halda, birinci rübdə sığorta haqları 234,02 min manat ödənişlə 480,31 min manat məbləğində yığılıb.

"Həcmin artımı ilə bağlı belə proqnozlar əmlakın sığortalanması, bədbəxt hadisələrdən və eləcə də tibbi sığortalanma üzrə yığımların artmasına əsaslanır, halbuki "Başak-İnam Sığorta" 31 növ sığorta xidməti göstərmək hüququna malikdir", - Həsənov qeyd edib. Hazırda Azərbaycan İpoteka Fondunun xətti ilə ipoteka kreditləşməsi çərçivəsində risklərin sığortalanmasının həcmi üzrə bizim şirkət liderlik edir.

Onun sözlərinə görə, 2010-cu ilin yekunlarına görə, şirkət 400 min manat gəlir əldə etməyi planlaşdırıb. Onlardan 150 min manat ilin birinci yarısında əldə edilib.

Kapitalın artırılmasına gəldikdə isə, sentyabrda Direktorlar Şurasının təsdiqindən sonra "Qiymətli Kağızlar üzrə Dövlət Komitəsinə əlavə emissiyaların qeydiyyatı ilə bağlı müraciət ediləcək". Hazırda şirkətin nizamnamə kapitalı iki milyon manat təşkil edir və əlavə emissiyaların yerləşdirilməsi sayəsində o 3,5 milyon manatadək artırılacaq.

"Başak-İnam Sığorta"nın aktivləri 2009-cu ildəki fəaliyyətinin yekunları üzrə 3,742 milyon manat təşkil edərək il ərzində 34,37 faiz artıb. Şirkətin ötən ilin yekunları üzrə ödənilən nizamnamə kapitalı iki milyon manat olub. Bu göstərici 2009-cu ilin əvvəlində bir milyon manat təşkil edib. Şirkətin ötən ilin yekunları üzrə xalis gəliri (531,126 min amnat səviyyəsində) və itkiləri (707,441 min manat) nəzərə alınmaqla, ümumi kapitalı ötən il ərzində 2,163 milyon manat təşkil edib. Bu göstərici ilin əvvəlində 632,418 min manat olub.

"Başak-İnam Sığorta" Türkiyənin "Başak Sığorta" şirkətinin kapitalında 49 faizlik iştirakla 1996-cı ildə təsis edilib. "Başak-İnam" birgə sığorta şirkətidir. Onun səhmdarları sırasına "Groupama" Fransa investisiya korporasiyası daxildir. O, 2006-cı ildə Türkiyənin "Başak Sığorta" şirkətinin kapitalında 60 faizlik iştirak payı alması ilə əlaqədar şirkətin səhmdarı olub.

Avqustun 12-nə rəsmi məzənnə 0,8037 AZN/USD təşkil edir.

Xəbər lenti

Xəbər lenti