...

Azərbaycanda ekskursiya aparanların lisenziyalaşdırılması tətbiq ediləcək

Biznes və iqtisadiyyat xəbərləri Materials 7 Dekabr 2010 20:52 (UTC +04:00)

Azərbaycan, Bakı, 7 dekabr /Trend, müxbir Ü.İsmayılova/

Azərbaycanda peşəkar bələdçilərə - ekskursiya aparanlara lisenziyalaşdırma sistemi tətbiq ediləcək. Bu barədə çərşənbə axşamı ATA-nın rəhbəri Nahid Bağırov deyib.

"Assosiasiya artıq turizm xidmətlərinin bu növünün lisenziyalaşdırılması üzrə təkliflər hazırlayıb və yaxın vaxtlarda Azərbaycan Mədəniyyət və Turizm Nazirliyinə təqdim edəcək", - Bağırov qeyd edib.

Onun sözlərinə görə, hazırda ölkədə xidmətin bu növünün inkişafında dəstəyə ehtiyacı olan xeyli bələdçi - ekskursiya aparanlar işləyir.

Turizm Assosiasiyası assosiasiya yanında fəaliyyət göstərəcək bələdçi - ekskursiya aparanların birliyinin yaradılmasına kömək etmək niyyətindədir", - Bağırov vurğulayıb.

Azərbaycan Turizm Şirkətləri Assosiasiyası 2009-cu ilin yanvarında Mədəniyyət və Turizm Nazirliyinin dəstəyi ilə yaradılıb, 2010-cu ilin oktyabrında isə o, ölkənin Mehmanxanalar Assosiasiyası ilə birləşib. Assosiasiyaya 58 üzv daxildir.

Assosiasiyanın əsas fəaliyyət istiqamətləri: turizm şirkətlərinin maraqlarının qorunması, qanun layihələrinin işlənib hazırlanması, milli turizm şirkətinin yaradılmasına yardım, bazar iştirakçıları üçün təlim və seminarların keçirilməsi üzrə planın hazırlanması, Azərbaycan turizminin illik beynəlxalq sərgilərdə potensial reklam və təşviqatı üçün şərtlərin yaradılması, daxili turizmin inkişafı və dünya bazarında turizm məhsullarının təqdim olunması.

Həmçinin fəaliyyət istiqamətlərinə: konqres turizminin inkişafı və tətbiqi, idarəetmə və xidmət sahəsində peşəkar kadrların hazırlanmasına yardım, turizm sahəsində adekvat vergi qoyuluşunun yaradılması və normativ nizamlamalar, standartlaşdırma, sertifikatlaşdırma və lisenziyalaşdırmanın inkişafına yardım, beynəlxalq turizm şirkətləri ilə əməkdaşlıq, rəsmi nəşriyyat orqanının yaradılması, hüquqi məsləhətləşmələr sahəsində xidmətlər, normativ-hüquqi bazanın inkişafı çərçivəsində turizm şirkətlərinin hüquqlarının qorunması sahəsində əməkdaşlıq daxildir.

Hazırda Azərbaycanda 200-dən çox lisenziyalaşdırılmış turizm şirkəti fəaliyyət göstərir.

Xəbər lenti

Xəbər lenti