Azərbaycan, Bakı, 10 dekabr /Trend, müxbir N.İsmayılova/
Azərbaycan Dövlət Gömrük Komitəsi (DGK) İranın gömrük orqanları ilə iki ölkənin sərhədlərindən narkotiklərin daşınması cəhdlərinin qarşısını almaq məqsədilə birgə tədbirlər görür. Bu barədə cümə günü DGK sədri Aydın Əliyev deyib.
"Bu gün Azərbaycan-İran sərhədindən narkotik vasitələrin daşınmasının, eləcə də qaçaqmalçılıq cəhdlərinin artması müşahidə olunur. Bundan başqa, bu günlərdə 1,8 milyon dollar məbləğində valyutanın keçirilməsinin qarşısı alınıb və bu iş artıq məhkəmə orqanlarına göndərilib", - Əliyev qeyd edib.
Onun sözlərinə görə, belə cəhdlərin qarşısını almaq məqsədi ilə DGK İran tərəfi ilə təqribən ayda bir dəfə görüş keçirir.
