Azərbaycan, Bakı, 27 dekabr /Trend, müxbir A.Axundov/
2010-cu ilin yanvar-noyabr aylarında Türkiyəyə 445 383 azərbaycanlı turist səfər edib ki, bu da ötən ilin analoji dövr göstəricisini 13,66 faiz üztələyir. Bu rəqəmləri Türkiyənin Mədəniyyət və Turizm Nazirliyi bazar ertəsi açıqlayıb. 2009-cu ilin yanvar-noyabrında Türkiyəyə Azərbaycandan 391 841 turist səfər etmişdi.
2010-cu ilin 11 ayı ərzində turistlərin ümumi sayının 1,62 faizi Azərbaycanın payına düşüb ki, ötən ilin analoji dövründə bu göstərici 1,52 faiz olub.
2010-cu ilin yanvar-noyabrında Türkiyəyə səfər edən xarici turistlərin ümumi sayı 27,466 milyon nəfər təşkil edib. Bu, ötən ilin analoji dövründəki göstəricidən 6,25 faiz çoxdur. Bu dövr ərzində daha çox turist Almaniyadan (15,42 faiz), Rusiyadan (11,15 faiz) və Böyük Britaniyadan (9,61 faiz) gəlib.
Noyabrda Türkiyəyə gələn xarici turistlərin ümumi sayı 1,491 milyon nəfər olub ki, bu da ötən ilin analoji dövr göstəricisindən 6,22 faiz çoxdur.
Noyabrda ən çox sayda turistin Türkiyəyə səfər etdiyi ölkələr üçlüyünə Almaniya, İran və Bolqarıstan daxildir. Turistlərin ümumi sayından onların payına müvafiq olaraq 16,68, 9,09 və 8,72 faiz düşür.
Daha sonra Gürcüstan (6,35 faiz), Suriya (5,39 faiz), Rusiya (4,39 faiz), Yunanıstan (3,34 faiz), İngiltərə (3,22 faiz), Azərbaycan (3 faiz) və Fransa (2,98 faiz) gəlir.
2010-cu ilin noyabrında Türkiyəyə Azərbaycandan 44 723 turist (ümumi saydan 3 faiz) gəlib ki, ötən ilin noyabrında bu rəqəm 32 262 (2,3 faiz) olmuşdu.