Azərbaycan, Bakı, 4 mart /Trend/
Avropa Yenidənqurma və İnkişaf Bankı ( AYİB) Bakıda "2010-cu ildə keçid dövrü" hesabatının təqdimatını keçirəcək. Bu barədə bankın cümə günü yaydığı məlumatda deyilir.
Təqdimat martın 10-da saat 15:00-da Landmark Business Centre binasının Rotunda konfrans zalında keçiriləcək.
Təqdimatı AYİB-in baş iqtisadçısı Erik Berqlof keçirəcək.
Hesabat Mərkəzi və Şərqi Avropada və MDB-də islahatlar və iqtisadi inkişafa dair irəliləyişlər üzrə illik yenilikləri ehtiva edir.
Erik Berqlof 2010-cu ildə Azərbaycanda əsas iqtisadi hadisələri də müzakirə edəcək.
AYİB hesabatı islahatların iki əsas sahəsi üzərində cəmləşib: daxili kapital bazarlarının inkişafı və biznes-mühitin yaxşılaşdırılması.