Azərbaycan, Bakı, 30 mart /Trend, müxbir N.İsmayılova/
Azərbaycan bankı "DəmirBank" ilin birinci yarısının yekunları üzrə nizamnamə kapitalını bir milyon manatadək artırmağı planlaşdırır. Bu barədə çərşənbə axşamı jurnalistlərə bankın idarə heyətinin sədri Roman Əmircanov deyib.
"Nizamnamə kapitalının ilin birinci yarısında əldə olunacaq mənfəət hesabına artırılacağı güman edilir. Proqnozlara görə, mənfəət bir milyon manata yaxın olacaq", - o deyib.
Azərbaycan hökuməti üç il ərzində bankların kapitallaşdırılmasına yönəldilən mənfəəti vergidən azad edib.
Onun sözlərinə görə, bu ilin birinci rübünün yekunları üzrə bankın mənfəəti 300 min manat təşkil edir. Hazırda "DəmirBank"ın nizamnamə kapitalı 20 milyon manatdır.
Ölkənin ilk banklarından olan "DəmirBank" (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Niderland İnkişaf Maliyyə Şirkəti (FMO) daxildir.
