Azərbaycan, Bakı, 24 may /Trend, müxbirlər N.İsmayılova, İ.Xəlilova/
Azərbaycanda gələcəkdə uçot dərəcəsinin dəyişdirilməsi inflyasiyanın proqnozundan asılı olacaq. Bu barədə Azərbaycan Mərkəzi Bankının baş direktoru Xəqani Abdullayev deyib.
"Bu günə ölkədə uçot dərəcəsi 5,25 faiz təşkil edir, gələcək dəyişikliklər inflyasiyanın proqnozundan asılı olacaq. Bizim son proqnozlarımız göstərir ki, 7-8 faiz səviyyəsində inflaysiya real nail oluna biləcək göstəricidir", - Abdullayev qeyd edib.
Onun sözlərinə görə, bu proqnoza xarici faktorlar təsir göstərməyə başlasa, AMB öz qərarını dəyişə bilər.
2011-ci ilin mayın 6-dan etibarən AMB idarə heyətinin qərarına əsasən, uçot dərəcəsi 0,25 faizdən 5,25 faizədək artırılıb. Mərkəzi Bank bankların xarici valyutada icbari ehtiyat normalarının 2 faizdən 3 faizədək artırılması barədə də qərar qəbul edib.
Dövlət Statistika Komitəsinin məlumatına görə, istehlak mallarının qiymətləri və xidmətlər üçün tariflər 2011-ci ilin aprelində marta nisbətdə 0,3 faiz azalıb, yanvar-apreldə isə ötən ilin anoloji dövrü ilə müqayisədə inflyasiya 9 faiz təşkil edib.
