...

Azərbaycanda sığorta müqavilələrinin bağlanması zamanı elektron imzalardan istifadə üçün informasiya sistemi yaradılacaq

Biznes və iqtisadiyyat xəbərləri Materials 8 İyul 2011 17:07 (UTC +04:00)

Trend-i buradan izləyin

Azərbaycan, Bakı, 8 iyul /Trend, müxbir A.Axundov/

Azərbaycanın Maliyyə Nazirliyi yanında Dövlət Sığorta Nəzarəti Xidməti (DSNX) sığorta müqavilələrinin bağlanması və sığorta şirkətləri tərəfindən yeni elektron xidmətlərin göstərilməsi üçün elektron imzalardan istifadə zamanı tətbiq olunacaq informasiya sistemini işləyib hazırlayacaq. Trend-in məlumatına görə, bu barədə cümə günü jurnalistlərə DSNX rəhbəri Namiq Xəlilov bildirib.

Azərbaycanda sığorta müqavilələrinin bağlanması zamanı elektron imzalardan istifadə olunması barədə ilk dəfə maliyyə naziri Samir Şərifov iyulun 7-8-də Bakıda keçirilən II Beynəlxalq Sığorta Forumunda bəyan edib.

"Bizim qanunvericiliyimizdə sığorta müqavilələrinin bağlanmasının müasir metodları nəzərə alınmayıb. Ona görə də orada müvafiq dəyişikliklərin edilməsinə ehtiyac var", - DSNX rəhbəri deyib.

Onun sözlərinə görə, məsələn, Litvada artıq SMS-məlumatlar vasitəsilə sığorta müqavilələrinin bağlanmasına başlanıb və dünyada belə bir praktika mövcuddur ki, müqavilə bağlanarkən hansısa blankdan istifadə olunmur, hər şey elektron formada həyata keçirilir.

"Bizdə də indi bu rejimdə işləməyə imkan verən informasiya sistemi işlənib hazırlanır. Bizdə bütün əlavə polislərin çap edilməsi üçün şərait yaradan əlavə modul olacaq", - Xəlilkov bildirib.

Onun sözlərinə görə, Azərbaycanda bu dəyişikliklərin tətbiqindən sonra hamı yeni qaydalara alışacaq və bu zaman bir neçə ildən sonra ölkədə blanksız müqavilə bağlamaq mümkün olacaq.

"Məsələn, bu gün yol polisi yeni texniki vasitələrlə təchiz olunur və gələcəkdə polis işçiləri maşında oturaraq avtomobilin sığorta olunub-olunmadığını yoxlaya biləcəklər", - Xəlilov deyib.

Xəbər lenti

Xəbər lenti