Azərbaycan, Bakı, 17 aprel /Trend/
Azərbaycan Qırğızıstanda qızıl, antimon, civə və arsen hasilatı üzrə bəzi layihələri nəzərdən keçirəcək. Trend-in məlumatına görə, bu barədə "KirTAQ"a Dövlət Geologiya və Mineral Ehtiyatlar Agentliyindən məlumat verilib.
"Qırğızıstanın Dövlət Geologiya və Mineral Ehtiyatlar Agentliyi Azərbaycanın İqtisadi İnkişaf Nazirliyinə doqquz qızıl, antimon, civə və arsen yatağı haqqında məlumat verib", - agentliyin mətbuat xidmətindən bildiriblər.
İdarənin məlumatına görə, perspektivli yataqların siyahısında beş qızıl, iki sürmə, bir civə və bir arsen yatağı var.
"Bunlar Karamakoo, Toqolok, Sarasay, Andaqul, Terekkan Perevalnoye adlı qızıl, Çonka və Kassa adlı civə, Üç Əmcək adlı arsen yataqlarıdır", - agentlikdən əlavə ediblər.