Azərbaycan, Bakı, 20 aprel /Trend, müxbir A.Tağıyeva/
Türkiyə bankı "Yapı Kredi Bankası" Azərbaycanın bank bazarında iştirakını genişləndirmək niyyətindədir. Bu barədə cümə günü Trend-ə bankdan məlumat veriblər.
Bu gün bankın 10 filialı var. Onlardan yeddisi Bakıda yerləşir. "Yapı Kredi Bankası" Azərbaycanda pərakəndə bank xidmətləri sahəsində də fəaliyyətini genişləndirmək niyyətindədir.
"Bankımız Azərbaycan və Türkiyədə layihələrin maliyyələşdirilməsində iştirak edir və biz gələcəkdə də bu istiqamətdə fəaliyyətimizi davam etdirəcəyik", - bankdan bildiriblər.
"Yapı Kredi Bankası" Azərbaycanla yanaşı, Niderland və Rusiyada filial şəbəkəsini genişləndirmək niyyətindədir.
Qeyd edək ki, "Yapı Kredi Bankası" Azərbaycanın bank bazarına 1998-ci ildə daxil olub.