Azərbaycan, Bakı, 12 iyul /Trend, müxbir Ə.Həsənov/
2012-ci ilin yanvar-iyun aylarında pərakəndə ticarət şəbəkəsindən Azərbaycan əhalisinə 8,2 milyard manat məbləğində istehlak malları satılıb ki, bu da 2011-ci ilin eyni dövrü ilə müqayisədə 9,2 faiz çoxdur. Trend-in məlumatına görə, bu barədə cümə axşamı Dövlət Statistika Komitəsinin yaydığı məlumatda deyilir.
İstehlak mallarının 1,1 milyard manatı hüquqi şəxslərin, 3,8 milyard manatı hüquqi şəxs yaratmadan ticarət fəaliyyəti göstərən fərdi sahibkarların, 3,3 milyard manatlıq həcmi isə bazar və yarmarkalarda fəaliyyət göstərən fiziki şəxslərin şəbəkələrində realizə olunub.
Elektron ticarətin həcmi 647,8 min manat təşkil edib.
Əhalinin pərakəndə ticarət şəbəkələrində xərclədikləri vəsaitin 57,3 faizi (4,7 milyard manat) ərzaq məhsullarının, 42,7 faizi (3,5 milyard manat) isə qeyri-ərzaq mallarının alınmasına sərf olunub.