Azərbaycan, Bakı, 2 oktyabr /Trend, müxbir S.Ağayeva/
Ticari-iqtisadi əməkdaşlıq üzrə Azərbaycan-Macarıstan hökumətlərarası komissiyasının ikinci iclası çərçivəsində iki ölkənin sahibkarlıq təşkilatları arasında üç sənədin imzalanacağı gözlənilir. Bu barədə çərşənbə axşamı Trend-ə Macarıstanın Bakıdakı səfiri Jolt Çutora deyib.
Oktyabrın 8-9-da Budapeştdə keçiriləcək Azərbaycan-Macarıstan hökumətlərarası komissiyasının iclasında iki ölkənin sahibkarlıq təşkilatları arasında qarşılıqlı fəaliyyət haqqında memorandum imzalanacaq.
Bundan başqa, iclas çərçivəsində iki ölkənin naviqasiya strukturları arasında əməkdaşlıq haqqında memorandumun imzalanacağı gözlənilir.
Hökumətlərarası komissiyanın həmsədrləri Azərbaycanın iqtisadi inkişaf naziri Şahin Mustafayev və Macarıstanın dövlət katibi Peter Siyartodur.
Hökumətlərarası komissiyanın iclası zamanı tikinti, kənd təsərrüfatı, turizm və s. sahələrdə daha çox maraq doğuran qarşılıqlı əməkdaşlıq sahələri üzrə konkret layihələr və təkliflər müzakirə ediləcək.
İclasın yekunları üzrə tərəflər protokol imzalayacaqlar.
Qeyd edək ki, komissiyanın ilk iclası ötən il Bakıda keçirilib.
