Azərbaycan, Bakı, 24 dekabr /Trend, müxbir C.Nəsibova/
Dekabrın 26-dan etibarən "Unibank" ASC-nin 5 000 040 manat həcmində imtiyazlı, adlı, sənədsiz səhmlərinin emissiya prospekrtinin yerləşdirilməsi başlayır. Bu barədə Trend-ə bazar ertəsi Bakı Fond Birjasından (BFB) məlumat verilib.
"Bank səhmlərinin BFB-nin qeyri-kotirovka vərəqəsinə salınması ilə bağlı təkliflə fond birjasına müraciət edib", - birjanın məlumatında deyilir.
Emissiya çərçivəsində hər birinin nominal dəyəri 2,72 manat olan 1 838 250 səhm buraxılıb.
Yerləşdirmənin anderrayteri qismində "Unicapital" ASC çıxış edir.
Emissiya prospektinin yerləşdirilməsi nəticəsində bankın nizamnamə kapitalı 56,565 milyon manatdan 61,565 milyon manatadək artırılacaq.