Azərbaycan, Bakı, 26 dekabr /Trend, müxbir İ.Xəlilova/
Bu ilin yanvar-noyabr aylarında Azərbaycan ərazisi ilə nəqliyyat vasitələri tərəfindən 52,053 milyon ton yük daşınıb ki, bu da 2011-ci ilin analoji dövrü ilə müqayisədə 4,95 faiz azdır. Trend-in məlumatına görə, bu barədə çərşənbə günü Dövlət Gömrük Komitəsinin (DGK) hesabatında deyilir.
Bu dövr ərzində yüklərin ixracı 28,005 milyon ton, idxalı isə - 8,494 milyon ton təşkil edib.
11 ay ərzində dəniz nəqliyyatı ilə ixrac 236,9 min ton, dəmiryolla 2,66 milyon ton, avtomobillə 527,89 min ton, hava ilə 391,86 min ton yük ixrac olunub, stasionar nəqliyyat vasitələti ilə daşınma isə 24,184 milyon ton təşkil edib.
Dəniz nəqliyyatı ilə 1,372 milyon ton, dəmiryolla 5,243 milyon ton, avtomobil nəqliyyatı ilə 1,773 milyon ton və hava ilə 19,44 min ton yük idxal olunub.
2012-ci ilin yanvar-noyabr ayları ərzində Azərbaycan ərazisindən tranzit yolu ilə 15,55 milyon yük danışıb ki, bu da ötən ilin analoji dövrü ilə müqayisədə 7,8 faiz çoxdur.
