Azərbaycan, Bakı, 22 yanvar /Trend, müxbir E.İsmayılov/
Cari ildə Azərbaycan Respublikası Dövlət Neft Şirkətinin (ARDNŞ) Bakıdakı yeni Gəmiqayırma Zavodunda iki gəmi inşa etmək planlaşdırılır. Bu barədə çərşənbə axşamı Trend-ə neft-qaz bazarındakı mənbə bildirib.
Onun sözlərinə görə, hazırda yeni zavodun tikintisi üzrə işlər davam edir və tikinti işlərinin birinci mərhələsini 2013-cü ilin sentyabrınadək yekunlaşdırmaq planlaşdırılır.
"Bu, yeni gəmilərin tikintisi üzrə işlərin başlanılması üçün kifayət edəcək", - mənbə bildirib.
Onun sözlərinə görə, yeni zavodun tikintisinə dair işlər sonra davam etdiriləcək.