...

Azərbaycanda 7000-ə yaxın gömrük pozuntusu qeydə alınıb

Biznes və iqtisadiyyat xəbərləri Materials 17 Avqust 2013 11:33
2013-ci ilin yanvar-iyul aylarında Azərbaycan Dövlət Gömrük Komitəsi (DGK) tərəfindən 6904 inzibati qanun pozuntusu aşkar edilib.
Azərbaycanda 7000-ə yaxın gömrük pozuntusu qeydə alınıb

Trend-i buradan izləyin

Azərbaycan, Bakı, 17 avqust /Trend, müxbir E. Əliyev/

2013-ci ilin yanvar-iyul aylarında Azərbaycan Dövlət Gömrük Komitəsi (DGK) tərəfindən 6904 inzibati qanun pozuntusu aşkar edilib. Trend-in məlumatına görə, bu barədə şənbə günü DGK-nın yaydığı hesabatda deyilir.

Onlardan 72-i qanunsuz keçməyə cəhd, 136-i əşya, mal və ya pul vəsaitlərinin gizli keçirilməsi, 5879-u isə sənədlərin təqdim edilməməsi ilə bağlıdır.

Hesabat dövrü ərzində cinayət xarakterli gömrük qanunvericiliyinin pozulması üzrə 192 fakt qeydə alınıb. Məlumata görə, 130 fakt qaçaqmalçılıqla, 88-i isə narkotiklərin qanunsuz dövriyyəsi ilə bağlı olub.

Hesabat dövründə 89,54 kiloqram narkotik vasitə ələ keçirilib. Həmçinin aksiz markası olmayan 7 malın idxalı faktı qeydə alınıb.

Bu faktlar üzrə yanvar-iyun aylarında şübhəli şəxs qismində 222 nəfər saxlanılıb.

Məqalədə:
Xəbər lenti

Xəbər lenti