Azərbaycan, Bakı, 17 sentyabr /Trend, müxbir E.İsmayılov/
Son 10 ildə Azərbaycanda avtomobil yollarının bərpası və tikintisinə yönəldilmiş investisiyaların ümumi həcmi 8 milyard manat təşkil edib. Bu barədə Trend-ə Nəqliyyat Nazirliyindən bildiriblər.
Məlumata görə, yatırılan investisiyaların ümumi həcmindən 6,3 milyard manat dövlət büdcəsindən ayrılan vəsaitlərin payına düşün, 1,7 milyard manat isə kreditlər hesabına cəlb edilib.
Hesabat dövründə tikilmiş, əsaslı və orta təmir edilmiş avtomobil yollarının ümumi uzunluğu 6 974,9 kilometrdir. Bunun 2 701,9 kilometri respublika əhəmiyyətli, 4 273 kilometri isə yerli əhəmiyyətlidir.
Həmçinin, son 10 ildə 110,2 kilometr yeni avtomobil yolu tikilib, bərpa işləri nəticəsində 423 kilometr avtomobil yolunun kateqoriyası artırılıb, 6 441,7 kilometr avtomobil yolunda isə əsaslı və orta təmir işləri aparılıb.
Son 10 ildə avtomobil yollarında tikilmiş körpülərin ümumi sayı 207 ədəd təşkil edib.