Azərbaycan, Bakı, 7 noaybr /Trend, müxbir E.Əliyev/
Azərbaycan Mərkəzi Bankı (AMB) 2013-cü ilin yanvar-sentyabr aylarının yekunu üzrə bankların ümumi gəlirlərinin ziyanla işləyən bankların ümumi zərərindən 19,11 dəfə çox olduğunu qeydə alıb. Trend-in məlumatına görə, bu barədə Azərbaycan Mərkəzi Bankının (AMB) 2013-cü ilin yanvar-sentyabr ayları üzrə pul siyasəti icmalında deyilir.
İcmala əsasən, 38 bankın gəliri 260,29 milyon manat, 5 bankın zərəri isə 13,62 milyon manat təşkil edib ki, bu da bank sisteminə 246,67 milyon manat xalis gəlir qazanmağa imkan verib.
Ötən ilin müvafiq dövrü ilə müqayisədə gəlirlə işləyən bankların sayı 5 ədəd artıb, sektorun ümumi gəliri isə 41,65 faiz çoxalıb. Bununla belə, zərərlə işləyən bankların sayı 10-dən 5-dək enib, ümumi zərər isə 6,87 dəfə azalıb.
2013-cü ilin əvvəlki ayının nəticələri ilə müqayisədə gəlirlə işləyən bankların sayı 2 ədəd azalıb, sektorun umumi gəliri isə 9,31 faiz artıb. Bununla yanaşı, zərərlə işləyən bankların sayı 3-dən 5-dək çoxalıb, ümumi zərər isə 3,6 faiz artıb.
İcmalda deyilir ki, bank sistemində maksimum gəlir 2009-cu ildə qeydə alınıb. Həmin il 39 bankın gördüyü işin yekunu olaraq 269,57 milyon manat gəlir əldə edilib. 2009-cu ildə banklar tərəfindən 252,98 milyon manat səviyyəsində ən yüksək xalis gəlir qazanılıb.
Bankların fəaliyyətinin maliyyə nəticələri (vergilərin ödənilməsindən sonra) milyon manatla:
|
Dövrlər |
Gəlirlə işləyən bankların sayı |
Bank sisteminin ümumi gəliri (gəlirli banklar üzrə) |
Ziyanla işləyən bankların sayı |
Bank sisteminin ümumi zərəri (zərərlə işləyən banklar üzrə) |
Yekun gəlir (+) və ya zərər (-) |
|
01.10.2012 |
33 |
183,75 |
10 |
93,57 |
90,18 |
|
01.10.2013 |
38 |
260,29 |
5 |
13,62 |
246,67 |
Bu ilin III rübünün yekunları üzrə Azərbaycanda 43 bank fəaliyyət göstərib: 42 kommersiya və 1 dövlət bankı. Xarici kapitallı bankların sayı 22-dir. Onların 6-da xarici kapitalın xüsusi çəkisi 50-100 faiz, 14-də isə 50 faizədək təşkil edir.Həmçinin xaric bankların 2 yerli filialı fəaliyyət göstərir.