Azərbaycan, Bakı, 20 noyabr /Trend, müxbir A.Axundov/
Noyabrın 28-29-da Vilnüsdə "Şərq tərəfdaşlığı" ölkələrinin sammitindən sonra Azərbaycan və Avropa Komissiyası assosiativ saziş üzrə danışıqları bərpa edəcəklər.
Bu barədə çərşənbə günü Trend-ə xarici işlər nazirinin müavini Mahmud Məmmədquliyev bildirib.
O bildirib: "Biz oktyabrda Azərbaycan-Aİ Əməkdaşlıq Komitəsinin işinin gedişində bir sıra məsələlərə baxmışıq. Çox güman ki, Vilnüs sammitindən sonra biz videokonfransları və plenar iclasları da bərpa edəcəyik".
Xatırladaq ki, sonuncu plenar iclas bu ilin aprelində keçirilib.