Azərbaycan, Bakı, 5 dekabr /Trend, müxbir E. Əliyev/
Azərbaycanla Avstriya arasında əmtəə dövriyyəsi ötən illə müqayisədə 94 faiz artıb. Trend-in məlumatına görə, bu barədə cümə axşamı Bakıda keçirilən Azərbaycan-Avstriya biznes forumunda Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov bildirib.
R.Məmmədov deyib: "2012-ci ilin yekunları üzrə bu göstərici təqribən 264 milyon dollar təşkil edirdi. Biz ölkələrimiz arasında əməkdaşlığın ildən-ilə artdığını qeyd etməyə şadıq".
Onun sözlərinə görə, bu gün ölkədə Avstriya kapitalının iştirakı ilə 46 şirkət fəaliyyət göstərir: "Biz avstriyalı həmkarlarımızın milli iqtisadiyyatımıza sərmayə qoymaq maraqlarını alqışlayırıq. Azərbaycan da Avstriya kapitalını ölkədə həyata keçirilən Sumqayıt Kimya-Sənaye Parkı və digərləri kimi iri layihələrdə iştiraka cəlb etməyə çalışır".