Azərbaycan, Bakı, 13 yanvar /Trend, müxbir E.Əliyev/
Azərbaycan Mərkəzi Bankı (AMB) 2013-cü ilin yanvar-noyabr aylarının yekunu üzrə bankların ümumi gəlirlərinin ziyanla işləyən bankların ümumi zərərindən 27,25 dəfə çox olduğunu qeydə alıb. Trend-in məlumatına görə, bu barədə AMB-nin hesabatında deyilir.
Hesabata əsasən, 38 bankın gəliri 346,89 milyon manat, 5 bankın zərəri isə 12,73 milyon manat təşkil edib ki, bu da bank sisteminə 334,16 milyon manat xalis gəlir qazanmağa imkan verib.
Ötən ilin müvafiq dövrü ilə müqayisədə gəlirlə işləyən bankların sayı 3 ədəd artıb, sektorun ümumi gəliri isə 41,9 faiz çoxalıb. Bununla belə, zərərlə işləyən bankların sayı 8-dən 5-dək enib, ümumi zərər isə 7,33 dəfə azalıb.
2013-cü ilin əvvəlki ayının nəticələri ilə müqayisədə gəlirlə işləyən bankların sayı dəyişməz olaraq qalıb, sektorun umumi gəliri isə 15,9 faiz artıb. Bununla yanaşı, zərərlə işləyən bankların sayı da dəyişməz qalıb, ümumi zərər isə 5,98 faiz azalıb.
Qeyd etmək lazımdır ki, müvafiq dövrdə bank sisteminin maksimum gəlir göstəricisi əldə edilib ki, bu da 346,89 milyon manat təşkil edib. Bununla da 2009-cu ildə qeydə alınan rekord (269,57 milyon manat) təzələnib. Hesabat dövründən fərqli olaraq, 2009-cu ildə bu gəlir 39 bankın işinin yekunu olaraq əldə olunub.
2013-cü il noyabrın yekunları üzrə 334,16 milyon manat həcmində ən yüksək xalis gəlir qeydə alınıb. Bunadək müvafiq göstərici üzrə ən yaxşı nəticə 2009-cu ildə bankların qazandığı 252,98 milyon manat həcmində xalis gəlir hesab edilirdi.
Bankların fəaliyyətinin maliyyə nəticələri (vergilərin ödənilməsindən sonra) milyon manatla:
|
Dövrlər |
Gəlirlə işləyən bankların sayı |
Bank sisteminin ümumi gəliri (gəlirli banklar üzrə) |
Ziyanla işləyən bankların sayı |
Bank sisteminin ümumi zərəri (zərərlə işləyən banklar üzrə) |
Bankların əldə etdiyi yekun gəlir (+) və ya zərər (-) |
|
01.12.2012 |
35 |
244,44 |
8 |
-93,31 |
151,13 |
|
01.12.2013 |
38 |
346,89 |
5 |
- 12,73 |
334,16 |