Azərbaycan, Bakı, 20 may /Trend, müxbir Z.Qurbanova/
2014-cü ilin birinci rübündə mənzil bazarında qiymətlər ötən ilin müvafiq dövrünə nəzərən 8,6% artıb. Trend-in məlumatına görə, bu barədə Azərbaycan Mərkəzi Bankının 2014-cü ilin yanvar-mart ayları üzrə pul siyasəti icmalında deyilir.
Təkrar və ilkin mənzil bazarında artım müvafiq olaraq 8,6% və 6,1% təşkil edib.
Təkrar mənzil bazarında ən yüksək qiymət artımı birtipli mənzillərdə (9,8%), ilkin mənzil bazarında isə yaxşı layihələndirilmiş mənzillərdə (12,3%) müşahidə olunub.
Əmlak bazarı üzrə digər aktivlik göstəricilərində də yüksəlmə müşahidə olunur. "MBA LTD" Qiymətləndirmə və Konsaltinq şirkətinin məlumatına görə, ötən ilin eyni dövrü ilə müqayisədə yaşayış sahələrinin kirayə haqqı ödənişləri üzrə 5,7%, kommersiya obyektləri üzrə isə 5,1% qiymət artımı olub.