...

Azərbaycan avtomobil idxalını təxminən 25 faiz azaldıb

Biznes və iqtisadiyyat xəbərləri Materials 18 İyun 2014 12:19 (UTC +04:00)

Azərbaycan, Bakı, 18 iyun /Trend, müxbir Zülfiyyə Qurbanova/

Azərbaycan 2014-cü ilin yanvar-may aylarında 30 576 ədəd avtomobil idxal edib. Dövlət Statistika Komitəsindən Trend-ə verilən məlumata görə, bu rəqəm 2013-cü ilin müvafiq dövründəkindən 23 faiz azdır.

İdxal edilən avtomobillərin 27 444 ədədi (89,8 faizi) insanların daşınması üçün nəzərdə tutulmuş avtomobil və motorlu nəqliyyat vasitələrinin payına düşüb. 2013-ci ilin yanvarında bu göstərici 35 816 ədəd (23,4 faiz azalma) təşkil edib.

Azərbaycan 2013-cü ildə 104 385 ədəd avtomobil idxal edib. Bu rəqəm 2012-ci ildə 101 255 ədəd olub. İdxal edilən avtomobillərin 94 879-u insanların daşınması üçün nəzərdə tutulmuş avtomobil və motorlu nəqliyyat vasitələrinin payına düşüb. 2012-ci ildə bu göstərici 89 652 ədəd təşkil edib.

Bundan başqa, hesabat dövründə ölkəyə 2765 (idxal edilən nəqliyyat vasitəklərinin ümumi sayından 9,04 faiz) yük avtomobili idxal edilib ki, bu da pötən ilin eyni dövründəkindən 8,9 faiz azdır. İdxal olunan avtomobillərin digər hissəsi digər nəqliyyat vasitələrinin növlərinin payına düşüb.

2013-ci ilin eyni dövründə bu rəqəm 452-yə bərabər olub. Yanvarda idxal edilən avtomobillərin qalan hissəsi digər nəqliyyat vasitələri olub.

2013-cü ildə ölkəyə 7823 yük avtomobili idxal edilib. 2012-ci ildə bu rəqəm 9433-ə bərabər olub.

Məqalədə:
Xəbər lenti

Xəbər lenti