Azərbaycan, Bakı, 19 noyabr /Trend, müxbir İlahə Məmmədli/
Rusiya Mərkəzi Bankının (RMB) apardığı mütəmadi monitorinq zamanı Azərbaycan Beynəlxalq Bankının (ABB) törəmə bankı olan "ABB-Moskva" istiqamətində bankın müştərisi ilə əməliyyatın aparılmasına dair hesabat informasiyasında vaxtın ötməsi aşkar edilib.
Bunu Trend-ə Azərbaycan Beynəlxal Bankından RMB-nin çirkli pulların yuyulması haqqında qanunun pozulmasına görə "ABB-Moskva" MMC-nin inzibati məsuliyyətə cəlb edilməsi məsələsini şərh edərkən deyiblər.
Bankdan deyiblər ki, bu qanun pozuntusu bankın fəaliyyəti ərzində birinci hal olduğuna görə xarakteri baxımından bilərəkdən olmayıb və az əhəmiyyətlidir: "Bundan başqa, qanun pozuntusunun törədilməsinə xidmət edən səbəb və şərtlər aradan qaldırıldığına görə banka xəbərdarlıq edilib".