Bakı. Azad Həsənli – Trend:
Azərbaycan hökuməti ÜDM-in real artımını 2017-ci ildə bir faiz səviyyəsində gözləyir.
Trend-in məlumatına görə, bu barədə Maliyyə Nazirliyinin 2017-ci ilin dövlət və icmal büdcələri üzrə layihələrin təqdimatında deyilir.
Qeyri-neft ÜDM-in real artımı gələn il üçün 2,5 faiz səviyyəsində proqnozlaşdırılır.
Sənədə əsasən, ÜDM-in artımı növbəti illərdə də davam edəcək və 2019-cu ildə 2,8 faiz təşkil edəcək, 2020-ci ildə isə 2,4 faizədək azalacaq.
2017-ci ildə özəl sektorun ÜDM-də payı gözlənildiyi kimi, 82,8 faiz təşkil edəcək.