...

Yerli məhsullarımız "Worldfood Moscow" beynəlxalq sərgisində təqdim olunacaq

Biznes və iqtisadiyyat xəbərləri Materials 17 Avqust 2017 16:37 (UTC +04:00)
Yerli məhsullarımız “Worldfood Moscow” Beynəlxalq Ərzaq Sərgisində təqdim olunacaq
Yerli məhsullarımız "Worldfood Moscow" beynəlxalq sərgisində təqdim olunacaq

Bakı. Trend:

Azərbaycan məhsulları növbəti dəfə vahid ölkə stendi ilə bu ilin 11-14 sentyabr tarixlərində Rusiyanın Moskva şəhərində keçiriləcək “Worldfood Moscow” Beynəlxalq Ərzaq Sərgisində nümayiş olunacaq.

İqtisadiyyat Nazirliyindən Trend-ə verilən məlumata görə, sərgidə Azərbaycanın 30-dan çox şirkətinin meyvə şirələri, müxtəlif növ şərablar, təbii mineral sular, fındıq, meyvə-tərəvəz, konservləşdirilmiş məhsullar, qənnadı məmulatları, çay, süd məhsulları və s. yerli məhsullarımız təqdim ediləcək.

“Worldfood Moscow” Beynəlxalq Ərzaq Sərgisində, həmçinin Azərbaycanın mədəniyyəti və mətbəxi, ölkəmizin turizm, biznes və investisiya imkanları təbliğ olunacaq.

Qeyd edək ki, Azərbaycan Prezidentinin 2016-cı il 5 oktyabr tarixli “Made in Azerbaijan” brendinin xarici bazarlarda təbliğini nəzərdə tutan fərmanına uyğun olaraq, indiyədək yerli məhsullarımız Birləşmiş Ərəb Əmirliklərinin Dubay şəhərində keçirilmiş “Gulfood 2017” Beynəlxalq Ərzaq Sərgisində və Almaniyanın Düsseldorf şəhərində təşkil olunmuş “Prowein 2017” Beynəlxalq Şərab Sərgisində vahid ölkə stendi ilə nümayiş olunub, xarici ölkələrə 8 ixrac missiyası təşkil edilib.

Məqalədə:
Xəbər lenti

Xəbər lenti