Bakı. Trend:
Trans-Xəzər Beynəlxalq Nəqliyyat Marşrutunun (TBNM) üzv ölkələri, Azərbaycan, Gürcüstan, Qazaxıstan və Türkiyənin dəmiryol qurumları "Middle Corridor" (Orta Dəhliz) birgə müəssisəsini yaratmağı planlaşdırır.
Trend-in məlumatına görə, hazırda birgə müəssisənin yaradılması üzərində işlər gedir.
TBNM assosiasiyasının baş katibi Haydar Abdikerimov bildirib ki, müəssisə 2023-cü ilin əvvəli və ya ortalarında qeydiyyatdan keçirilə bilər.
Həmin müəssisə yüksək keyfiyyətli nəqliyyat və lolgistika xidmətlərinin göstərilməsini, trans-sərhəd tariflərin uyğunlaşdırılmasını təmin edəcək və Çindən Türkiyəyə yük daşımaları üzrə xidmətlərin tam avtomatlaşması üçün vahid IT platforması tətbiq edəcək.
Bu birgə müəssisə çərçivəsində Şimal-Cənub beynəlxalq dəhlizini Xəzər dənizinin limanları ilə birləşdirmək nəzərdə tutulur.
(Tərcümə: Orxan Nəbiyev)