Oktyabrın 20-21-də Dehlidə Şimal-Cənub nəqliyyat dəhlizi layihəsi əlaqələndirmə şurasının üçüncü iclası keçiriləcək.Bu barədə Trend ə Azərbaycan Dövlət dəmir yolu idarəsində (ADDY) bildirilib.İclasda layihənin gerçəkləşdirilməsi, bu istiqamətdə görülən işlər, həmçinin problemlər üzrə müzakirələr aparılacaq.Azərbaycanı tədbirdə ADDY-nin nümayəndə heyəti təmsil edəcək.
İşçi qrupunun Tehranda keçirilən son iclasında həmin layihənin gerçəkləşdirilməsi çərçivəsində konsorsium yaradılıb.Konsorsiumun baş ofisi Moskvada, filialları isə Bakı və Tehranda yerləşəcək.Üç ölkənin konsorsiumunda hər birinin $200 mln. həcmində payı olacaq.ADDY-nin payına bilavasitə $60 mln. düşür.
Azərbaycanın ərazisində 8,3 km sahədə Qəzvin-Rəşt-Astara (İran) - Astara (Azərbaycan) dəmir yolu magistralı tikilməlidir. Layihəyə həm də Astaraçayı üzərində 101 metr uzunluğunda körpünün salınması da daxildir ki, bu da 50% olmaqla Azərbaycan və İranın vəsaiti hesabına həyata keçiriləcək.
Azərbaycan ərazisindən dəhlizin 505 km sahəsi keçir.Dəhlizdə zəruri işlər başa çatdırıldıqdan sonra 2010-cu ildə təxminən 15 mln. yükün daşınması planlaşdırılır. "Şimal-Cənub" layihəsinin gerçəkləşdirilməsinə $600 mln. tələb olunur.Amma ekspertlər hesab edir ki, tikinti işləri başladıqdan sonra həmin məbləğ arta da bilər.
