2005-ci ildə doqquz əsas meyar üzrə mərkəzləşdirilmiş plan iqtisadiyyatından bazar standartlarına keçid prosesi dinamikasının qiymətləndirilməsini aparan Avropa yenidənqurma və inkişaf bankı (AYİB) Azərbaycanın bu meyarlardan yalnız birinə əsasən qiymətini qaldırıb. Trend bildirir ki, AYİB-in hesabatına əsasən Azərbaycanın qiyməti "Bazarlar və xarici ticarət" dörd qrup meyarlarından birinə daxil olan "Xarici ticarət və valyuta sistemi" meyarı üzrə qaldırılıb.
Beləliklə, qiymət "4-"-dən "4"-dək qaldırılıb. "Qiymətin dəyişilməsi üçün əsas Beynəlxalq valyuta fondunun ödəmələrdə məhdudiyyətə yol verilməməsi və beynəlxalq əməliyyyatlar üzrə vəsaitlərin köçürülməsi, eləcə də Dünya ticart təşkilatına daxil olma yolunda irəliləyişə dair IIII nizamnaməsinin bəndinə əsasən öhdəliklərin qəbul edilməsidir.
Həmin qrupun qalan iki meyarı üzrə qiymətləndirmə dəyişməz qalıb: "Qiymətlərin azad edilməsi" - "4", "Antiinhisar siyasəti" - "2".
"Müəssisələr" qrupunda qiymətləndirmə də dəyişməz qalır: "İri müəssisələrin özəlləşdirilməsi " - "2", "Kiçik müəssisələrin özəlləşdirilməsi" - "4-", "Müəssisələrdə idarəetmə və struktur islahatları" - "2+".
Təşkilatın "Maliyyə" qrupunda "Bank islahatı və faiz dərəcələrinin liberallaşdırılması" meyarı üzrə qiymətləndirmə "2+" səviyyəsində, "Fond bazarları və qeyri-bank maliyyə təşkilatları"meyarı üzrə - "2-" saxlanılır.
"İnfrastruktur" qrupunda vahid - "İnfrastruktur islahatları" meyarının qiymətləndirilməsi "2" təşkil edir.
AYİB keçid dinamikası prosesini doqquz meyar üzrə qiymətləndirir.
Göstəricilərin qiymətləndirilməsi 1-dən 4+-dək şkala üzrə qiymətləndirilir.