Bank Standard-ın 2005-ci ildə hazırlanmış büdcəsi vaxtından əvvəl yerinə yetirilib. Bu barədə Trend ə bankın İdarə Heyətinin sədrinin müavini Cavid Quliyev məlumat verib. Bu həmçinin, gəlirlərin həcmində, ümumi aktivlərin və kreditlərin artımında, bəzi maddələr üzrə isə plan üzrə (əhalidən vəsaitin cəlb edilməsində) müşahidə olunur. Ümumilikdə, gerilik heç bir maddədə qeydə alınmayıb.
C.Quliyevin sözlərinə görə, bu il bank daha iki seqment üzrə öz mövqeyini təsdiqləyib. American Express -in yol çeklərinin alqı-satqısı üzrə bank bazarda lider olub. Digər tərəfdən, sürətli köçürmələr sistemi üzrə 3 ildən çox müddət ərzində İmpeksbankla, onların sürətli poçt məhsulu üzrə əməkdaşlıq nəticəsində bank artıq Azərbaycan bazarının 54% -ni əldə edib. Həm də bu köçürmələrin böyük hissəsi Bank Standard-ın regional (Gəncə, Lənkəran və Siyəzən) filialları tərəfindən həyata keçirilir. Bu, pərakəndə xidmətlər bazarında bankın aktivliyini və mövqeyini göstərir.
