Azərbaycan Dövlət Xəzər dəniz gəmiçiliyi idarəsi (ADXG) 2006-cı ilin mart-aprelində 19619 layihəsinin dördüncü tankerini almaq niyyətindədir. Dekabrın 20-də Trend ə eksklüziv olaraq ADXG-nin sədri Aydın Bəşirov bu barədə bildirib.
Onun sözlərinə görə, dördüncü tanker 2006-cı ilin noyabrında - naviqasiya mövsümü başa çatanadək alınacaq. Tankerlərin inşası Rusiyanın "Krasnoe Sormovo" zavodunda aparılır.
Azərbaycan artıq bu növdə 3 tanker istismar edir - "Şah İsmayıl Xətai", "Prezident Heydər Əliyev" və "Babək" və bunlar TRACECA marşrutuna cəlb edilib. "Çay-dəniz" dərəcəli 12 yük tankı olan gəmi neft xammalı və neft məhsullarının daşınması üçün təyin edilib. Gəmi qəza vəziyyətində olarkən neft axınının qarşısının alınması üçün ikiqat örtüyə malikdir. Eyni vaxtda bir neçə neft məhsulunun bir reyslə daşınması imkanı nəzərdə tutulur. Tankerin dəyəri $13,5 mln. təşkil edir. 19619 layihəsinin ilk cəmisi "Prezident Heydər Əliyev" 2004-cü ilin noyabrında, ikinci - "Babək" - dekabrda, "Şah İsmayıl Xətai" isə 2006-cı ilin oktyabrında istismara verilib.
