Yaxın vaxtlarda Avropa komissiyası TRACECA nəqliyyat dəhlizi ilə təhlükəli yüklərin daşınması ilə bağlı treninqlər keçirəcək sonuncu şirkətin müəyyən olunması üzrə tenderi yekunlaşdıracaq. Bu barədə Trend ə təşkilatın Azərbaycandan olan milli katibi Akif Mustafayev məlumat verib.
Artıq nəqliyyat dəhlizinətexniki dəstək layihəsi çərçivəsində iki şirkət müəyyən edilib. Tenderin qalibləri nəqliyyat dəhlizinin iştirakçı ölkələrinin ekspeditorları və operatorları üçün treninqlərin keçirilməsi layihəsini gerçəkləşdirəcək "NEA" şirkəti (Niderland) və dəniz daşımaları idarələrinin əməkdaşlarının hazırlanması layihəsini reallaşdıracaq "Knayt Smart" şirkəti (Böyük Britaniya) olub.
Hər iki şirkət texniki layihələrin hazırlanmasına başlayıb. Dəniz idarələri əməkdaşlarının hazırlanması layihəsində nəqliyyat dəhlizinin dənizə çıxışı olan 5 ölkəsi iştirak edəcək. Ekspeditorların hazırlanması layihəsi 10 ölkəni əhatə edəcək. Türkiyə, Bolqarıstan və Rumıniya bu layihədə iştirak etməyəcək. Belə ki, həmin ölkələr bu istiqamətdə kifayət qədər inkişaf etmiş xidmətlərə malikdir.
