Dövlət bankı Kapitalbank Standard & Poors beynəlxalq reytinq agentliyinə müraciət edərək 2005-ci ilin yekunları üzrə reytinq almaq niyyətindədir. Trend in bankın İdarə Heyətinin sədri Rauf Rzayevə istinadən verdiyi məlumata görə, bank aprledə ötən ilin maliyyə-təsərrüfat fəaliyyətinin yekunları üzrə auditor hesabatını aldıqdan sonra müraciət etmək niyyətindədir. Onu PriceWaterhouseCoopers beynəlxalq auditor şirkəti hazırlayır.
Kapitalbank birinci reytinqini 2005-ci ilin noyabrında Fitch Ratings şirkətindən almışdı və bu şirkət ötən ilin iyunun 1-nə kimi fəaliyyət yekunları üzrə qiymətləndirmə aparmışdı. Həmin qiymətləndirmələrə görə, Kapitalbank "B+" uzunmüddətli reytinqini, "B"qısamüddətli , "D/E" fərdi və "4" dəstək reytinqini qazanmışdı. Uzunmüddətli rekytinq üzrə proqnoz "sabit"dir.
Agentliyin məlumatında bildirilir ki, Kapitalbankın uzun və qısamüddətli reytinqləri Azərbaycanın suveren reytinqinin yüksəlməsinə və ya strateji investorun yüksək səviyyəli reytinqlə bankın özəlləşdirilməsində iştirakına səbəb ola bilər. Reytinqin aşağı düşməsi isə Azərbaycanın suveren reytinqinin aşağı düşməsinə və ya Maliyyə Nazirliyinin mülkiyyətində səhm paketinin 50% səviyyəsinə qədər enməsinə səbəb ola bilər.
Kapitalbankın fərdi reytinqinin artırılması imkanları məhduddur. Onun yüksəlməsi üçün ən azı bankın müştəri bazasının artırılması kəskin artırılmalı və biznesin konsentrasiya səviyyəsi aşağı enməlidir. Reytinqin aşağı düşməsi aktivlərin keyfiyyətinin əhəmiyyətli dərəcədə aşağı düşməsinə, gəlirlilik və ya kapitallaşma göstəricilərinin hiss olunacaq dərəcədə enməsinə, eləcə də bankın fəaliyyətinin dövlət müəssisələrindən və hökumət təşkilatlarından asılılığını artıra bilər.
Respublikada fəaliyyət göstərən banklardan bu gün Azərbaycanın Beynəlxalq Bankı və Azərdəmiryolbank reytinqə malikdir.