Aprelin 10-da Azərbaycan Hesablama Palatası Dövlət Neft Fondunun qaçqın və məcburi köçkünlər üçün ayırdığı və sosial-məişət məsələlərinin həllinə yönəldilmiş vəsaitlərdən istifadənin auditinə başlayıb. HP-dən Trend ə verilən məlumata görə, audit işləri bir ay ərzində başa çatacaq.
Audit 2004-2005-ci illəri və 2006-cı ilin cari dövrünü əhatə edir. Bu prosesə vəsaitlərin qanunvericiliyə uyğun istifadəsinin araşdırılması, DNF-nin sosial-məişət məsələlərini həll etmək üçün qaçqın və məcburi köçkünlər üçün ayırdığı vəsaitlərin ümumi maliyyə strukturunda əsas çəkisinin, 2007-ci il üçün dövlət büdcəsinə müraciətlərin, ümumi nəzarətin, o cümlədən vəsaitlərin ayrılması və istifadəsi ilə bağlı təşkilati işlərə daxili nəzarətin səviyyəsinin araşdırılması və s. daxildir.
Audit tədbirləri Qaçqın və məcburi köçkünlərin işləri üzrə Dövlət Komitəsi və Nazirlər Kabineti yanında məcburi köçkünlərin Sosial İnkişaf Fondu tərəfindən həyata keçirilir.
