Almaniya Yenidənqurma Bankı (KFW) Gəncə və Şəkidə su şəbəkələrinin yenidən qurulması layihəsi ilə bağlı Azərbaycan hökumətinin irəli sürdüyü müqavilə şərtləri ilə razılaşıb. Nazirlər Kabinetindən Trend ə verilən məlumata görə, rəy Azərbaycan tərəfinə şərtlər İsveçrə İqtisadi Əlaqələr üzrə Dövlət Katibliyi (SECO) ilə razılaşdırıldıqdan sonra təqdim olunacaq.
Şərtlər kreditin verilmə qaydalarının sadələşdirilməsindən ibarətdir və KFW su tariflərinin və sudan istifadəyə görə yığım əmsalının artırılması qrafiklərinin müqavilədən çıxarılmasına razılıq verib. Tariflərin artırılması su şəbəkələrinin istehsal xərclərinin örtülməsi məqsədilə hökmətin mülahizəsinə əsasən həyata keçiriləcək. SECO isə ilkin şərtlərin qəbul olunmaması səbəblərini öyrənmək niyyətindədir.
Bununla əlaqədar layihə üzrə kredit müqavilələrinin imzalanması gözlənilmir. Nazirlər Kabinetində ehtimal olunur ki, bu proses payızda baş tuta bilər. Layihədə hökumətin iştirak payının 1,250 mln. avro artırılaraq 8,250 mln. avroya çatdırılması məsələsi də açıq qalır. Bu vəsaitlərin layihənin gerçəkləşdirilməsi dövründə, 3,5-4 il ərzində ayrılacağı ilə əlaqədar bu, kredit müqaviləsinin imzalanmasına təsir etməməlidir. Maliyyə Nazirliyində hesab olunur ki, əlavə vəsaitlər layihəyə daxil edilməmiş Gəncə və Şəki rayonlarındakı su şəbəkələrinin bərpası və saxlanması üçün nəzərdə tutulub. Layihəyə bu rayonların yalnız 53%-nin su təchizatının yaxşılaşdırılması daxil edilib.
Layihənin 3,5-4 il ərzində həyata keçiriləcək 2-ci fazasının dəyəri 54 mln. avro təşkil edir. Bu məbləğdən 37 mln. avro (25,85 mln. avro yeni kredit və İmişlidə 1-ci faza üzrə analoji işlər üçün ayrılmış vəsaitin qalığı) KfW, 10 mln. avro qrant kimi İsveçrə İqtisadi Əlaqələr üzrə Dövlət Katibliyi tərəfindən ayrılacaq. 7 mln. avro isə 8,250 mln. avro məbləğinədək artmayacağı halda Azərbaycan hökumətinin payına düşüb.